Бөлүмдөр
Ишемби, 22-сентябрь
Ош облусуКара-Суу району 13.10.2017 18:42

Кара-Суудагы жол кырсыктан дагы бир аялдын өмүрү кыйылды

Turmush -  Кара-Суу районундагы Жаңы-Арык айылынын 39 жаштагы жашоочусун унаа сүзүп кетип, дарыгерлер өмүрүн сактап калууга мүмкүн болгон жок. ОИИБдин Патрулдук милициясынын маалымат катчысы Айбек Бечеловдун айтымында, окуя кечээ, 12-октябрда саат 21:30 чамасында болгон.

Жалал-Абад шаарынын 22 жаштагы тургуну башкарган «Субару Легаси» үлгүсүндөгү унаа Бишкек—Ош жолунун 633-чакырымына жеткенде жолдон өтүп бара жаткан 39 жаштагы аялды сүзгөн. Ал жабырлануучу Куршаб аймактык ооруканасына жетпей каза болгон. Анын денеси соттук-медициналык экспертиза жүргүзүү үчүн Кара-Суу райондук ооруканасынын өлүк сактоочу жайына жеткирилип, тергөө амалдары жүргүзүлүп жатат.


авто

Бул Кара-Суунун аймагында акыркы суткадагы адам өлүмү менен коштолгон экинчи кырсык.

Бүгүн, 13-октябрга караган түнү Бишкек—Ош унаа жолунун 633-чакырымындагы Кара-Суу районунун Жаңы-Арык айылында унаа сүзүп кеткен аял киши каза болгон. Жабырлануучу — райондун Савай айылынын 1952-жылы туулган тургуну А.Г. ооруканага жетпей көз жумду.

Алдын ала маалыматтар боюнча, 1968-жылы туулган айдоочу Э.А. өзүнүн «Фольксваген Гольф» унаасын мас абалда башкарып жүргөн. Ош облустук Патрулдук милициясынан соттук-медициналык экспертиза дайындалып, териштирүү иштери жүрүп жатканы маалымдалды.


унаа

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Комментарии
Для добавления комментария необходимо быть нашим подписчиком
Көп окулду
×