Бөлүмдөр
Бейшемби, 21-сентябрь
68.46    82.06    1.18    KZT 0.2
акыркы жаңылыктар

бардыгы

Нарын

Нарында «Жыл мугалими - 2017» сынагынын жеңүүчүлөрү аныкталды (фото)

Turmush -  Нарын шаарындагы К.Жакыпов атындагы орто мектебинде «Жыл мугалими - 2017» облустук кароо-сынагы өтүп, анын жеңүүчүлөрү аныкталды. Бул тууралуу аймактык кабарчыга облустук усулдук билим берүү борборунун жооптуу кызматкери Рысбек Чымырбаев билдирди.

Анын айтымында, аталган кароо-сынакка Кочкор, Ат-Башы, Ак-Талаа, Нарын райондорунан жана Нарын шаарынан келген конкурсанттар катышты. Сынактын жыйынтыгында калыстар тобу 4 наам боюнча жеңүүчүлөрдү аныкташты.

«Жыл мугалими - 2017» наамы Нарын шаарынан келген мугалим Самара Исмаиловага, «Мыкты инновациялык мектеп» наамы Кочкор районундагы Н.Жүндүбаева атындагы орто мектебине, «Жылдын мыкты айыл мектеби» наамы Ак-Талаа районундагы М.Базаркулов атындагы орто мектебине, «Жылдын мыкты бала бакчасы» наамы Ак-Талаа районундагы «Алтын муун - Наристе» бала бакчасына ыйгарылды. Жеңүүчүлөргө Нарын облустук усулдук билим берүү борборунун тиешелүү даражадагы дипломдору тапшырылып, республикалык сынакка катышууга жолдомо берилди.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 682
Комментарии
Обсуждения закрыты
Көп окулду
×
Урматтуу окурман, мекенибиздин аймактагы «турмушунан» кабар алганыңыз үчүн ыраазычылык билдиребиз.
Куш кабарыбыз маалыматтык чаңкооңузду канааттандырса «Нравится» эн белгисин басуу менен сиз үчүн кылган ишибизге дем бериңиз!
Жабуу