Бөлүмдөр
Шаршемби, 22-ноябрь
69.7    81.81    1.17    KZT 0.21
Баракелде

Дарья Маслова Кытайда өтүп жаткан Бүткүл дүйнөлүк Универсиадада алтын медаль утту

Turmush -  Дарья Маслова Кытайдын Тайбэй шаарында өтүп жаткан Бүткүл дүйнөлүк Универсиаданын жеңүүчүсү болду.

Бүткүл дүйнөлүк Универсиаданын алкагында 23-августта жеңил атлетика боюнча жөө күлүктөрдүн мелдеши башталды. 10 миң метр аралыкка жүгүрүүгө Кыргызстандын атынан Азиянын эки жолку чемпиону жана Азербайжанда өткөн Ислам тилектештик оюндарынын (2017) коло медалынын ээси Дарья Маслова катышты. Мелдешке 14 мамлекеттен 19 спортчу катышты.

Жарышта алгач япониялык спортчу Юки Мунехиса алдыда келе жаткан. Акыркы 1000 аралыкта Дарья Маслова алдыга чыгып, 10 миң метр аралыкты 33 мүнөт 19,27 секундда жүгүрүп өтүп, 1-орунду багындырды.

Ал эми Индиянын спортчусу Жадхав Санживани Бабур 33 мүнөт 22 секундда жүгүрүп келип, 2-орунга ээ болсо, коло медалды 33 мүнөт 27,89 секундда жүгүрүп келген Япониянын спортчусу Ай Хосода алды.

Маслованын алтын медалы Кыргызстан үчүн бул мелдештерде биринчи болду.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 926
Комментарии
Обсуждения закрыты
Көп окулду
Учурда окулуп жатат
×