Бөлүмдөр
Шаршемби, 19-декабрь
Баракелде, Бишкек 19.11.2018 20:34 На русском

Видео, сүрөт: Бишкекте 2 бөлмөлүү батир таштандыга толуп калган

Turmush -  Бишкек шаарындагы көп кабаттуу үйдөгү 2 бөлмөлүү батир таштандыга толуп калган. Бул туралуу АКИpress агенттигине мэриянын турак жай-коммуналдык чарба башкармалыгынын кызматкери Жибек Каракеева билдирди.

Анын айтымында, 8-кичи райондогу көп кабаттуу үйдөгү батирде жылуулукка байланыштуу маселе жаралган. «Бишкек жылуулук» муниципалдык ишканасынын кызматкерлери батирдеги үйүлгөн таштандыдан улам оңдоо иштерин жүргүзө алган эмес. Акыры «Тазалык» ишканасынын кызматкерлери чакырылган.

Учурда тазалоо иштери улантылып жатат. Аяктагандан кийин батирдин жылуулук системасы оңдолот.

Милиция кызматкерлеринин айтымында, бул батирде жашаган 80 жаштагы кожойкеге байланыштуу кошуналарынан бир нече жолу арыз-даттануулар болгон.

«Анын (кожойке) 7-кичи райондо дагы 3 бөлмөлүү батири бар. Ал дагы таштандыга толгон. Андан 40 унаа таштанды чыгышы мүмкүн», - деди «Тазалык» ишканасынын кызматкери.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×