Бөлүмдөр
Жекшемби, 16-декабрь
Баракелде, Дүйнө 12.02.2018 12:41

Жалаң мырза, жалгыз кыз: Кышкы Олимпиаданын ачылышында Кыргызстандын желегин кимдер алып чыгышты? (фото, тизме)

Turmush -  Түштүк Кореянын Пхенчхан шаарында 9-февралда кышкы Олимпиада оюндарынын ачылышы өтүп, кыргызстандык делегация дагы катышты. Олимпиада оюндарына Кыргызстандын атынан 2 спортчу — тоо лыжачы Евгений Тимофеев жана лыжачы Тариэл Жаркымбаев жолдомо алышкан. Ачылыш аземде өлкөнүн желегин Тариэл Жаркымбаев көтөрүп чыкты.

Олимпиадага жөнөтүлгөн Кыргызстандын расмий делегациясынын курамы (6 адам):

- спортчу Евгений Тимофеев;

- спортчу Тариэл Жаркымбаев;

- машыктыруучу Игорь Борисов;

- машыктыруучу Александр Левданский;

- Кыргызстандын Улуттук олимпиада комитетинин кызматкери Алия Калыбекова;

- Кыргызстандын Улуттук олимпиада комитетинин кызматкери Адилет Баяман уулу.

Маалым болгондой, таймаш 18 күнгө созулуп, спорттун 7 түрү боюнча 102 топтом медаль ойнотулат.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×