Бөлүмдөр
Бейшемби, 16-август
Баракелде

Тажикстанда 1938 мечит жабылып, жарымы жардамга муктаждарга берилди

Turmush -  Тажикстанда 35 дин кызматкери аттестациядан өтпөй, мечиттердин имам-хатиб милдетинен четтетилди. Бул тууралуу бүгүнкү маалымат жыйында өкмөттүн алдындагы дин жана каада-салттарды тартипке келтирүү иштери боюнча комитеттин диний бирикмеси башкармалыгынын жетекчиси Хусейн Шокиров билдирди.

Анын айтымында, имам-хатибдердин милдетинен четтетилишине алардын аттестациялык комиссиянын суроолоруна жооп бере албагандыгы себеп болгон. Бардык суроолор дин кызматкерлерине аттестацияга 20 күн калганда жиберилген.

Маалым болгодой, Тажикстанда имам-хатибдер акыркы 9 жылдан бери аттестациядан өткөрүлүп келет. 2014-жылдан тарта мамлекет тарабынан дин кызматкерлерине 800 сомони (болжол менен 90 доллар) өлчөмүндө айлык маяна берилет.

Ошондой эле, Тажикстандын өкмөтүнүн алдындагы дин жана каада-салттарды тартипке келтирүү иштери боюнча комитет өлкөдө тиешелүү документтери жок болгон 1938 мечит жабылганын билдирди.

Жергиликтүү бийликтин чечими менен алардын бир бөлүгү жардамга муктаж үй-бүлөлөргө турак жай катары берилсе, башка бөлүгү социалдык мекеме катары колдонулат.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1979
Комментарии
Для добавления комментария необходимо быть нашим подписчиком
Көп окулду
×