Бөлүмдөр
Ишемби, 26-май
Баракелде

Видео - Ырчы Анжелика Бекболиева жолдошу менен ажырашпайт

Turmush -  Белгилүү ырчы Анжелика Бекболиева жолдошу Урмат Бекболиев менен ажырашпайт. Бул тууралуу ырчы коомдук каналдагы «Салам, Кыргызстан!» телеберүүсүндөгү маегинде билдирди.

«Жолдошум экөөбүз 10 жыл бирге жашадык. Айрым учурларда ал өзүнүн талаптарын айтса, мен өзүмдүкүн айтам. Эгер адам талаптарды аткарбаса, аны коркутуп коюу керек. Чынын айтсам мен ачуулукка алдырып, ажырашуу тууралуу арыз жаздым. Бирок андан кийин ойлондум. Ачуулук менен эч нерсени жеңбейсиң. Азыр айрымдар мени "ушундай жол менен өзүн пиарлап жатат" деп айтып жатышат. Бирок мен арыз жазып жатканда бул тууралуу ойлонгон эмесмин. Мындай пиар менен алектенбейм», - деди ырчы.

А.Бекболиева учурда жолдошу экөөнүн мамилеси жакшы экенин жана үйү гүлгө толуп жатканын кошумчалады.

Буга чейин ырчы жолдошу Урмат Бекболиев менен ажырашуу тууралуу арыз жазганы айтылган. Limon.kg сайты инсайдерлерге шилтеме берип билдиргендей, процесс 2017-жылдын декабрында башталган болчу. Кийинки отурум 29-январга белгиленген.

Ырчы 11-классты аяктап жаткан жылы кышында турмушка чыккан. Жубайлар 3 кыздын ата-энеси.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 20575
Көп окулду
×