Бөлүмдөр
Бейшемби, 23-ноябрь
69.7    81.81    1.17    KZT 0.21
Баракелде

40 жашында көз жумган У.Чолпонбаевдин ордуна З.Шарапов депутат болушу мүмкүн

Turmush -  Жогорку Кеңешке Улан Чолпонбаевдин ордуна Закир Шарапов депутат болуп келиши мүмкүн. Бул маалыматты АКИpress агенттигине «Республика — Ата Журт» фракциясынын катчылыгы билдирди.


Закир Шарапов

Жогорку Кеңештин депутаты Улан Чолпонбаев («Республика – Ата Журт») 40 жашында көз жумду. Анын артында 4 жана 2,5 жаштагы кыздары калды.

У.Чолпонбаев бөйрөк оорусунан жабыркап, борбордогу ооруканада дарыланып жаткан. Анын каза болгону тууралуу 11-ноябрда кечинде айтылды.

У.Чолпонбаев

Эл өкүлү Кыргызстандын Эл аралык университетин аяктап, Москва шаарындагы Плеханов атындагы жогорку экономикалык курстан билим алган. «Манас» аэропортунун бажы терминалында эмгектенип, фармацевтикалык компанияны жетектеген. Ошондой эле, жарнамалык Adver Group компаниясынын жана «Табылга» саясий партиясынын негиздөөчүсү. Маркум Жогорку Кеңештин V, VI чакырылыштарында депутат болуп шайланган жана Ысык-Көл облусундагы Ак-Суу районунун ардактуу атуулу аталган. Моңголиянын Кыргызстандагы ардактуу консулу да болгон.

У.Чолпонбаевди акыркы сапарга узатуу зыйнаты бүгүн, 13-ноябрда Бишкекте өтүп, денеси Ала-Арча көрүстөнүнө коюлду.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 440
Комментарии
Обсуждения закрыты
Көп окулду
Учурда окулуп жатат
×