Бөлүмдөр
Дүйшөмбү, 18-июнь
Баракелде

Президент А.Атамбаев чүйлүктөрдү Оштогу келиндердей короонун алдын шыпырууга чакырды

Turmush -  Кыргызстандын президенти Алмазбек Атамбаев чет элдик меймандардын алдында уят болбоо үчүн Чүй облусунун тургундарынан короосунун алдындагы аймактын тазалыгына көңүл бөлүүнү өтүндү.

«Бүгүн эртең менен биз апрель революциясынын баатырлары коюлган «Ата-Бейитте» куран окудук. Ал жерде биздин улуу жазуучубуз Чыңгыз Айтматовдун сөөгү жатат. Анын жанында Үркүндөн жана 1937-жылы репрессиядан курман болгондор жатышат. Бул жер тарыхый борборго айланды. Ошондуктан бул жерге жакын жайгашкан Таш-Дөбө, , Воронцовка, Арашан, Кой-Таш, Чоң-Таш жана башка айылдар үлгүлүү болушу керек. Мага таарынбагыла, кээде чет элдик меймандар менен келгенде уялам», - деди ал.

Өлкө башчы эртең менен үйүнүн жана короосунун алдын шыпырган Ош жана Жалал-Абад облустарынын кыз-келиндерин мисалга алды.

«Эгерде бул жерде мени келиндер угуп жатышса, алар дагы үйүнүн алдын шыпырышса жакшы болмок», - деп билдирди президент.

Өлкө башчы Россиянын президенти Владимир Путин менен, андан кийин башка чет элдик меймандар менен өтүп бара жатканда жолдо чар-жайыт жаткан желим бөтөлкөлөрдөн, желим баштыктардан ыңгайсыз абалга туш болгонун кошумчалады. Ал жергиликтүү тургундардан тазалыкка көңүл бурууну өтүндү.

«Жолдогу таштандыларды тазалап, тазалыкка өтөлү. Бул айылдар Кыргызстандын жүзү, себеби «Ата-Бейитке» туристтер келишет. Бир эле жаман калпак жашынакай кийинген адамдын кейпин бузуп койгондой, жолдогу чачылган таштандылар туристтин Кыргызстанга болгон бүтүндөй көз карашын өзгөртөт», - деди ал.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 24911
Көп окулду
×