Бөлүмдөр
Шаршемби, 18-октябрь
68.51    80.77    1.2    KZT 0.21
Баракелде

Фото - АКШнын экс-президенти Обама Вашингтондон 8,1 млн долларга үй сатып алды

Turmush -  АКШнын экс-президенти Барак Обама Вашингтондун белгилүү районунан 8,1 млн долларга үй сатып алды, деп жазат Washington Post.

Обама үй-бүлөсү менен Ак үйдөн кеткенден кийин Калорама районунан ижарага үй алган. Кийинчерээк Обама ошол үйдү сатып алууну чечкен.

АКШнын мурунку президентинин пресс-катчысы маалымдагандай, Обаманын үй-бүлөсү борбордо жок дегенде дагы 2,5 жыл жашайт. Ал убакка чейин Обаманын кызы Саша Вашингтондогу мектепти аяктап калат.

Үйдө 8 уктоочу бөлмө жана 9 санитардык түйүн бар. Үй 2000-жылдары курулуп, 2011-жылы кайра калыбына келтирилген. Үй мурун Билл Клинтондун пресс-катчысы Джо Локхартага тийиштүү болгон. Мындан тышкары, бул райондо Дональд Трамптын кызы Иванканын жана Amazon компаниясынын негиздөөчүсү Джефф Безостун үйү бар.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 3594
Комментарии
Обсуждения закрыты
Көп окулду
×