Бөлүмдөр
Бейшемби, 23-ноябрь
69.7    82.04    1.18    KZT 0.21
Баракелде

Бишкекте көчөдөн самса жана манты сатып жеген 6 адам ууланган, алардын экөө жаш балдар

Turmush -  Бишкек шаарында мурунку айда тамак-ашка ууланган эки учур катталган. Эки учурда тең уулангандар көчөдө мыйзамсыз сатылган тамак-аш сатып алып жеген, деп билдирди шаардын Санитардык көзөмөлдөө борбору.

Алгач тигүү цехинде эмгектенген 4 адам ууланган. Алар «Ош» базарындагы аялдаманын жанында үстү ачык арабада турган мантыдан сатып алышкан. Андан 3 сааттан кийин өздөрүн жаман сезген бейтаптар Республикалык клиникалык жугуштуу оорулар бөлүмүнө жеткирилген.

Ошондой эле, аталган базардан көчөдөн атасы сатып берген самсаны жеген 1,5 жана 7 жаштагы балдар ооруканага түшкөн. Балдарда уулануунун белгилери самсаны жегенден 5 саат өткөндөн кийин билине баштаган.

Мамлекеттик санитардык көзөмөлдөө борбору элди санитардык эрежелер сакталбаган ашканалардан, көчөдөн тамак сатып албоого чакырат. Ошондой эле, дүкөндөрдөн, соода түйүндөрдөн азык-түлүк алып жаткан учурда сактоо мөөнөтүнө көңүл буруу зарыл.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1417
Комментарии
Обсуждения закрыты
Көп окулду
Учурда окулуп жатат
18:21,   23.11.2017   ( 50 адам окуп жатат)
×