Бөлүмдөр
Жекшемби, 24-июнь
Баракелде

Өкмөт Илимдер академиянын президенти А.Эркебаевдин ыйгарым укуктарын токтотту

Turmush -  Кыргызстандын Улуттук илимдер академиясынын президенти Абдыганы Эркебаевдин ыйгарым укуктары мөөнөтүнөн мурда токтотулду. Бул тууралуу тиешелүү токтом чыгарылганын бүгүн, 6-апрелде Өкмөт аппаратынын басма сөз кызматы билдирди.

А.Эркебаев отставкасы тууралуу 31-мартта Илимдер академиясында өткөн жалпы жыйында билдирген. Анын айтымында, Илимдер академиясы үчүн учурдагы оор кырдаалдан чыгуунун 3 жолу бар. Алар: жеңилбестен аягына чейин күрөшүү, агым менен сүзүп, орунду кармап калуу же жаштарга орун бошотуу.

Анын пикиринде, бирок биринчи жол саясий бийлик менен ачык конфронтацияга (каршылык) баруу болуп эсептелсе, экинчи жол моралдык-этикага туура келбейт. Андан улам президент жаштарга орун бошотууну чечкен.

А.Эркебаевди Улуттук илимдер академиясынын президенти кылып дайындоо жөнүндөгү токтомго 2013-жылдын 4-мартында мурунку премьер-министр Ж.Сатыбалдиев кол койгон. Ал 5 жылдык мөөнөткө жетекчи болуп Улуттук илимдер академиясынын 2013-жылдын 8-февралындагы жалпы жыйынында шайланган.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2567
Көп окулду
×