Бөлүмдөр
Жекшемби, 24-июнь
Чүй

Пригородный айыл аймагындагы тилкеде кайрадан шайлоо өтөт

Turmush -  Аламүдүн районунун Пригородный айыл аймагындагы №159 шайлоо тилкесинде эртең, 15-январда кайрадан шайлоо өтөт. Буга 11-декабрда жергиликтүү кеңештердин депутаттарын шайлоонун жүрүшүндөгү одоно мыйзам бузуулар тууралуу түшкөн арыздар себеп болгон. Бул тууралуу аймактык шайлоо комиссиясы кабарчыга маалымдады.

Пригородный айыл аймагында 4 шайлоо тилкеси бар. Анын ичинен үч тилкеде шайлоо тынч өтүп, депутаттар шайланды. Ал эми №159 шайлоо тилкесинен депутаттыкка талапкер болуп катышып, жеңилип калган тарап жыйынтыкты тааныган эмес.

Аталган шайлоо тилкесинде 9 мандат болсо, ага 47 талапкер ат салышкан. Эртеңки шайлоого мурунку талапкерлер катышат.

2016-жылдын 11-декабрында Кыргызстанда 22 шаардык жана 389 айылдык кеңештердин депутаттарын шайлоо, ошондой эле Кыргыз Республикасынын Конституциясына өзгөртүүлөрдү киргизүү боюнча референдум өткөн.
Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 12635
Көп окулду
×